Heddeneset (husmannsplass)
Heddeneset var ein husmannsplass under garden Skore, på Heddeneset på austsida av Åraksfjorden, nord for Åraksbø, i Bygland. Plassen vart rydda før 1760, og var i bruk til 1907 eller litt seinare.
Dei første folka på Heddeneset kom frå Helleren i Åseral. Det var Pål Asbjørnson Helleren (f. ca. 1729, d. etter 1801) og kona Sigrid Nilsdotter Åknes (f. ca 1735, d. etter 1801). Dei siste som budde fast i Heddeneset var Gunnar Tarkjelson Skore (f. 1836, d. 1907) og kona Tone Bjørnsdotter Helle (f. 1835, d. 1921), samt sonen Tarkjel Gunnarson Heddeneset (f. 1858). Tarkjel Gunnarson flytta til Viki rundt 1902. Gunnar Tarkjelson døydde i 1907. Ein veit ikkje kor lenge det budde folk i Heddeneset etter det. Men i 1913 var det i alle høve tomt.
Kjelder
Reidar Vollen, Bygland gard og ætt, bind III, utgjeve av Bygland kommune, 2005, side 731–742