Fjellskar gamle bru

Fjellskar gamle bru var ei bru på den gamle Postvegen over den austre enden av Fjellskardevja på Rysstad. Ho var ei tømmerbru på pålar, med brukar av stein, og var bygt om lag år 1890. Ho avløyste ei endå eldre bru som truleg var bygt då Postvegen kom fram til Hylestad rundt 1843–1844. I 1919 blei hovudvegen lagt om forbi Rysstad, og brua frå 1890 blei avløyst av Fjellskarbrua. I dag står bare restar av brukara att etter den gamle Fjellskarbrua.

Kjelder

• Reidar Tveito. Riksveg 9 - Bruer og særtrekk langs vegen, Byglandsfjord, 2014, side 154–155
• Leonhard Jansen m.fl., Frå postveg til riksveg - vegar og vegminne langs riksveg 9, Bokbyen Forlag, 2018, side 142–145