Setesdalstunet
Foto: Geir Daasvatn
Setesdalstunet er eitt av tre hovudområde på Kristiansand museum på Kongsgård. Tunet er ei samling gamle bygningar frå Setesdal. I det gamle bondesamfunnet var plasseringa av bygningane på garden nøye gjennomtenkt. I Setesdal var det vanleg å ha innhus på ei side av tunet, og uthus på den andre. Eit slikt oppsett finn ein også i Setesdalstunet. To større innhus, Nystue frå Trydal og Årestue frå Kveste, gir eit innblikk i livet på landet for 200 år sidan. Den eldste bygningen i tunet er Nomelandsloftet, eit tre-høgda stabbur bygd rundt 1580.