Sikkomodden

Sikkomodden stikk ut i Byglandsfjorden rett sør for busetnaden på Frøyrak i Bygland. Her låg ein gravhaug som vart utjamna litt etter århundreskiftet. Dette var etter segna grava til Frutti Frøyrak. Ei stor steinhelle som kan ha vore dekke over gravkammeret vart teken vare på, og står oppreist nær staden der grava var. Her vart det seinare (ved harving) funne ei ringspenne av bronse.