Sandviksbukta
Sandviksbukta er den lille bukta på austsida av Byglandsfjorden, mellom Breidablikk i sør og Revsnes Hotell i nord, på Byglandsfjord. Bukta var større før. Men frå 1972-1973 er ho meir skjult bak den nye riksvegen, som då blei lagt på fylling tvers over bukta. Smiesvingstien tek til innerst i bukta. Den gamle riksvegen, Riksveg 400, følgde bukta på innsida. Her gjekk også den gamle Postvegen, som ein endå kan sjå spor av i terrenget.
Kjelder
- Kart på nettsida til Statens Kartverk
- Reidar Tveito, Ridesti og gamle vegspor omkring Byglandsfjord, utgjeve på eige forlag, 2017, side 18