Konsmo

Rådhuset i Audnedal ligg på Konsmo.

Foto: Geir Daasvatn

Konsmo er administrasjonssenteret i Audnedal kommune i Vest-Agder, i krysset mellom Fv-460 og Fv-461 i Audnedalen. Ein drøy km nord for busetnaden på sjølve Konsmo ligg tettstaden Helle, kommunens einaste tettstad, med 281 innbyggarar (2015). På Konsmo ligg Konsmo kyrkje og Konsmo bedehus, og muséet Det gamle posthuset med Barnevandrersenteret. Her er også butikk og bensistasjon. Skulane og idrettsplassen ligg på Helle.

Tidlegare kommune

Konsmo var eigen kommune 1911-1963. I 1964 vart Konsmo slegen saman med Grindheim og litt av Bjelland (Midtbø og Ågedal) til Audnedal kommune.

Kjelder

• Artikkelen om Konsmo i Store Norske leksikon
• Om Det gamle posthuset på heimesida til Audnedal kommune
• Artikkelen om Konsmo på Wikipedia (bokmål), besøkt 16. juli 2017

Kart

Laster kart ...