Gunnar Olson Løvland
| Gunnar Olson Løvland | ||
|---|---|---|
| Født: | 4. oktober 1811 | |
| Død: | 2. mars 1889 (77 år) | |
Gunnar Olson Løvland (Gunder O. Løvland) (fødd 4. oktober 1811, død 2. mars 1889) var bonde på bruket «Dernede» på Lauvland i Evje. Han var også mykje med i styre og stell i bygda. I ei årrekkje var han forliksmann, og han var mykje brukt som skjønsmann. Han var med i det første styret i Evje og Hornnes Sparebank, då banken vart skipa i 1864. Her vart han sitjande til ut 1886 (22 år). Han var valgmann til Stortinget i 1850- og 1860-åra.
Gunnar O. Løvland var gift med Siri Eilevsdotter Løvland (fødd Aaneland). Dei var foreldra til utanriksminister og statsminister Jørgen Løvland, Ola G. Lauvland og åtte andre barn. Tre av barna døydde små.
Kjelder
- Ellen Miøen Sæther, Lauvland - Fra nybrott til fritidsbruk, utgjeve av Evje og Hornnes Sogelag, 2013, side 12 flg.
- Sigurd Haugsgjerd, 150 år. Evje og Hornnes Sparebank 1864-2014, jubileumsbok utgjeve av Evje og Hornnes Sparebank, 2016, side 12