Breive
Breive er ei grend i Bykle kommune, nord-vest for Hovden, langs nordsida av Breivevatnet, øvst i Setesdal. Grenda har utvikla seg frå Breivegardane, som er gardsnummer 1 i kommunen. Bustadene i Breive er stort sett gardsbruk. Det er også ein god del fritidsbustader i området.
Pollenanalysar syner at det i Breive har vore drive med husdyrbruk heilt attende til slutten av yngre steinalder, ca 2800 f. Kr., og at her har vore korndyrking frå 500-talet og fram til byrjinga 1900-talet, berre avbrote av eit par hundreårs øydetid etter Svartedauden. Andre kjelder stadfestar at det temmeleg sikkert har budd folk på Breive året rundt frå 500-talet til kring 1350, og sidan frå midten av 1500-åra.
Kjelder
- Om Breive på lokalhistoriewiki.no (Aanund Olsnes, Heimar og folk i Bykle, 2006)