Murtetjønnvegen
Foto: Geir Daasvatn
Murtetjønnvegen er ein skogsbilveg (bomveg) ved Murtetjønn på Tveit i Hornnes vest i Evje og Hornnes kommune. Vegen er omlag ein kilometer lang. Han tek til frå sørsida av Fylkesveg 42 (Sveindalsvegen) rett før ein kjem til Murtetjønn på veg mot Sveindal, og går innover på austsida av tjønna til hyttene som ligg i området. Det siste stykket opp til hyttene som ligg høgast i terrenget, er vegen svært bratt.
Vegen tener også som gardsveg for gardbrukarane på Tveit, som har fleire fine åkrar for grasproduksjon her.