Ingrid Eieland Flåt
Ingrid Eieland Flåt (fødd 1966) er organisasjonssjef i Setesdal Bilruter. Ho gjekk ut av Hornnes gymnas i 1985, deretter studerte ho ved Høgskolen i Agder og Høgskolen i Østfold. Sidan jobba ho 18 år som adjunkt på Evje skule før ho fekk jobben som organisasjonssjef i Setesdal Bilruter i 2009. I Setesdal Bilruter steller ho med sjukefravær og oppfølging av tilsette. Ho er og kontaktperson for tillitsvalde og verneombud i selskapet.
I den tida ho arbeidde i skulen, var ho hovudtillitsvald for Utdanningsforbundet og sat i Administrasjonsstyret i Evje og Hornnes i perioden frå 2007. Ho var og vararepresentant til Evje og Hornnes kommunestyre i perioden frå 2007 til 2011 for Evje og Hornnes Tverrpolitisk Bygdeliste. Ho har og vore engasjert i korpsarbeid, mellom anna som dirigent for Iveland skulekorps.