Einerkilen feltspatgruve
Einerkilen feltspatgruve er ei nedlagd feltspatgruve på nord-vestsida av Einerkilen mellom Flatebygd og Gautestad i Evje og Hornnes kommune. Gruvedrifta her kom i gong omkring år 1900. Ashton, ein utlending, skal ha vore den første til å drive. Seinare overtok Gudmund Henriksen drifta. Han var driftsstyrar i Flåt gruve. Etter at Norsk Feltspat Co var skipa i 1913, dreiv det selskapet og i Einerkilen. Minst til 1957 har det vore drift her, truleg lenger.
Kjelde
- Erik Kjebekk, Feltspatkompaniet - hundre år sidan starten, artikkel i Arnstein, årsskrift for Evje og Hornnes Sogelag, 2013, s. 57-67