Norsk kulturminnefond
Norsk kulturminnefond er ei tilskotsordning for private eigarar av verneverdige kulturminner slik at dei kan sette i stand kulturminna sine. Det vart oppretta av Stortinget i 2002 som eit statleg fond på ein milliard kroner og skulle nytte avkastninga til formålet. Men frå 2013 har fondet fått pengane sine direkte på statsbudsjettet. Difor er det ikkje lenger eit fond, sjølv om det har behalde namnet.
Søknader blir sendt inn via ein elektronisk søknadsportal. Dei vert handsama etter kvart som dei kjem inn og liste over tiltaka og kor mykje dei har fått, blir lagt ut på nettsidene til fondet. Administrasjonen av Norsk kulturminnefond ligg på Røros og Simen Bjørgen er direktør.
I Tysdagssending i Valle Radio 20200324 fortalde Simen Bjørgen om fondet. Han opplyste då at tilskot frå fondet ikkje var til hinder for at søkjar kunne få tilskot frå andre kjelder, både offentlege og private. Det var til og med ofte slik at når andre fekk vite at tiltaket hadde fått støtte frå Norsk kulturminnefond, var det lettare for dei å medverke til tiltaket.
I Agder
I dei to første månadene av 2020 hadde fondet delt ut 1.944.000 kroner til tiltak på Agder:
| Prosjektnamn | Søkernamn | Kommune | Tilskot |
|---|---|---|---|
| Barbugårdsveien 21 - eksteriør uthus | Sverre Valvik | Arendal | 120 000 |
| Badstoge / Røykstoge i Øvste Borg - Åraksbø | Åsulv Haugetveit | Bygland | 90 000 |
| Fløterhytte Herefossfjorden | Andreas Theodor Holm | Evje og Hornnes | 175 000 |
| Ventebu Dåreidstrand | Tallak Tallaksen | Farsund | 28 000 |
| «Karistua» | Ola Berg Vormeland | Grimstad | 34 000 |
| Homborsundsveien 187 | John Magne Hommersand | Grimstad | 280 000 |
| Låvebrygger Spikkeland | Kjell Kvinlaug | Kvinesdal | 55 000 |
| Det gamle fengslet i Lillesand | Helge Arthur Haldorsen | Lillesand | 139 000 |
| Restaurering av vinduer | Ingrid Signe Stephensen | Lillesand | 44 000 |
| Restaurering av sjøbu i Sørstranda på Landøy | Kari Oftebro | Lindesnes | 280 000 |
| Bryggerhuset på Åmland | Anne Omland | Risør | 130 000 |
| Løe Liland Gård 1158 | Sigmund Sverre Virak | Sirdal | 177 000 |
| Gammelstaua på Rugnes | Per-Arne Ludvigsen | Vegårshei | 300 000 |
| Gangmalerier på Ytre Ramse | Yngve Ramse Trædal | Åmli | 92 000 |
Kjelder
- Artikkel om Norsk kulturminnefond på Wikipedia
- Informasjon frå Simen Bjørgen i Valle Radio
- Oversendt informasjon om stønadsmottakarar