Johans Torkjellson Frøysnes

Johans Torkjellson Frøysnes
Født:	1895
Død:	1984 (alder 88–89)

Johans Torkjellson Frøysnes (fødd 1895, død 1984) var lærar og budde på Frøysnes i Bygland. Han var gift med Bjarnhild Minnie Frøysnes (1904-2002). Dei fekk to born, Anne (f. 1928) og Torkjell Arnfinn (f. 1938).

Johans tok eksamen ved Elverum lærarskule i 1922. Han var først lærar i Vestby i Trysil, der han møtte kona si Bjarnhild. Etter det var han lærar i Alvdal og i Vegårshei 1923-1927. Sidan var han lærar på Tveit i Bygland til han gjekk av for aldersgrensa i 1962.

I Bygland budde familien fleire stadar. Men etter kvart slo dei seg ned på gardsbruket «Vesle» Nedgarden (bnr. 3) som Johans hadde fått av mor si Anne i 1934.

Johans hadde 13 km arbeidsveg til skulen på Tveit. Først dei siste åra han var lærar fekk han seg bil. Ved sida av læraryrket dreiv han garden. Han var med i heradstyret i ein periode og i overformynderiet.

I 1973 overførte Johans og Bjarnhild garden til sonen Torkjell Arnfinn. I 1978 reiste dei til Trysil, heimstaden til Bjarnhild. Der døydde Johans i 1984. Bjarnhild levde til 2002.

Kjelder

• Reidar Vollen, Bygland gard og ætt, bind IV, utgjeve av Bygland kommune, 2006, side 98-100