Jon Hornnes
| Jon Hornnes | ||
|---|---|---|
| Født: | 23. november 1904 | |
| Død: | 19. mai 1944 (39 år) | |
Jon Mortenson Hornnes var fødd 23. november 1904 i Hornnes og døydde 19. mai 1944 i Natzweiler fangeleir i Frankrike. Han var gift med Sofie Hornnes (fødd 1906, jentenamn Abusland). Foreldra var Morten N. Hornnes, fødd 1866, og Gjertrud J. Hornnes (fødd 1867).
Jon Hornnes dreiv i nokre år, fram til han vart arrestert av tyskerane, sagbruket (dampsaga) i Hornnesvika (Doktormonen, gnr. 50, Hornnes) som faren hadde sett opp i 1907-1908.
Namnet til Jon Hornnes er hoggen inn i minnesteinen som er reist ved Hornnes kyrkje til minne om dei honndølane som mista livet sitt i fridomskampen 1940-1945.
Kjelder
- Olav O. Uleberg, Hornnes I, Gards- og ættesoge, utgjeve av Hornnes bygdesogenemd, 1969