Kvåle (Bygland gnr. 36)

Øvre Kvåle med Kvålsnapen bak.

Foto: Geir Daasvatn

Kvåle er ein gard (gnr. 36) i Bygland. Husa ligg rett på sørsida av Kvålsnapen, nord i Kyrkjebygda. Det er to hovudbruk i garden, Øvre Kvåle og Nedre Kvåle.

Historie

«Etter ein langvarig prosess som tok til på 1500-talet og enda i 1619, blei garden dela i to, Kvåle og Haugå. Sidan blei kvar av gardane dela i to like delar, slik at ein fekk fire hovudbruk. Kvåle og Haugå er formelt sett éin matrikkelgard med namn Kvåle og gardsnr. 36, men i røynda er det tale om to gardar», skriv Reidar Vollen i Bygland gard og ætt.