Moivegen

Moivegen med Skrivargarden til venstre.

Foto: Geir Daasvatn

Moivegen er det lokale namnet på Fylkesveg 308, og går gjennom grenda Moisund sør i Evje og Hornnes kommune. Vegen tek til ved Rv-9 (Setesdalsvegen) ved Hannåskilen, nord for den lange Moisundsletta, og går vest for og parallelt med riksvegen sørover gjennom busetnaden og ut igjen på riksvegen mot sørenden av den lange sletta. Før den nye Setesdalsvegen (kompensasjonsvegen) kom her i 1964-1965, var det korte vegstykket ein del av hovudvegen gjennom Setesdal. Den aller første køyrevegen gjennom Setesdal, Postvegen, gjekk også her.

Skrivarvegen startar midt på Moivegen og kryssar riksveg 9.

Kjelder

• Norgeskart.no
• Leonhard Jansen m.fl., Frå postveg til riksveg - vegar og vegminne langs riksveg 9, Bokbyen Forlag, 2018, side 66