Einar Kristian Tveitå

Einar Kristian Tveitå
Einar Kristian Tveitå 2010. Foto: Geir Daasvatn
Født:	22. februar 1973 (53 år)

Einar Kristian Tveitå (fødd 22. februar 1973) er frå 1. januar 2008 overlege ved Evjeklinikken. Han studerte medisin ved Universitetet i Oslo i perioden frå 1993 til 2000. Deretter hadde han turnusteneste. Frå 2002 arbeidde han ved Avdeling for Fysikalsk Medisin og Rehabilitering ved Ullevål Universitetssjukehus. I februar 2010 tok han doktorgraden i medisin på Universitetet i Oslo på avhandlinga Adhesive Capsulitis, Hydrodilatation and Some Aspects of Validity Regarding Shoulder Assessments. Den handla om behandling av skuldersmertene som blir kalla «frossen skulder».

Diskoskastar

I studietida var Einar Kristian Tveitå ein aktiv diskoskastar på nasjonalt og internasjonalt nivå. Sitt beste resultat, 63,64 meter oppnådde han i september 1999 in Hafnarfjörður. Han deltok i Europacupen i friidrett i 1998, 2000, 2001 og 2002. I 2001 deltok han i WM i Edmonton i Canada og vart nr. 12 med eit kast på 59,11. Året etter deltok han i EM i München, der han vart nr. 18 med eit kast på 59,69. Som aktiv representerte han BUL.

Sjølv om han no har avslutta den aktive karrieren, er han instruktør ved treningssenteret i Otrahallen på kveldstid og trenar i friidrettsgruppa i Otra IL. Han bur på Hornnes og er bror til den daglege leiaren av treningssenteret i Otrahallen, Olav Magne Tveitå.

Kjelder

• Ny klinikkoverlege på Evjeklinikken. Artikkel i Setesdølen nr. 9, 2008 side 2

Eksterne lenker

• Om doktordisputasen
• Engelsk wikipediaartikkel har mest stoff, den norske er bare ei linje
• Om behandling av frossen skulder