Hovden jernvinnemuseum

Hovden jernvinnemuseum er eit museum under Setesdalsmuseet på Hovden i Bykle kommune.

Fjellgardane øvst i Setesdal har vore gjennom omfattande utbyggingar i dei fire tiåra etter at Hovden etablerte seg som eit gigantisk vintersportsområde sist i 1960-åra. Omfattande arkeologiske utgravingar og registreringar har vore nødvendig. Desse har synt at Fjellgardane i perioden 800-1300 var eit sentralt område for utvinning av jern av myrmalm. På slutten av 1980-talet vart det sett i gong eit prosjekt med å bygge hus over eit utgrave jernvinneanlegg. Museet har fått ein heilt særeigen atmosfære, der kunnskapen om jernvinna blir formidla gjennom illustrasjonar på veggane, ljos-, lyd- og lukteffektar.

Kjelder

• Setesdalsmuseet, Bykle - Hovden jernvinnemuseum, Huldreheimen, Lislestog/Bykle kyrkje, brosjyre

Eksterne lenker

• Om Hovden jernvinnemuseum på heimesida til Setesdalsmuseet