Vinddalen

Søre enden av Vinddalen, med traktorvegen og skilt som syner stien mot Årdalsknapen.

Foto: Geir Daasvatn

Vinddalen er eit lite dalføre mellom Botnfjell og Heståsknapen/Årdalsknapen, rett nord for Vassend, heilt sør i Bygland. I nord endar dalen i Vinddalsristi. Frå Vassend kan ein gå opp den bratte Vinddalskleiva for å kome inn i Vinddalen. Det går ein traktorveg i kleiva. Gjennom dalen og nedover til Vassendkilen renn Vinddalsbekken.

Turløype

Frå Vassend kan ein følge traktorveg opp Vinddalskleiva. Mot toppen, ute i søre enden av Vinddalen, startar ein merka sti til Årdalsknapen.

Historie

Det var ein svær hoppbakke, Vinddalsbakken, i Vinddalen på 1930-talet.

Kjelder

• Norgeskart.no
• Reidar Tveito, Dei høgaste fjell og nutar langs båe sider av Otra, andre del Bygland kommune, 2011, side 8-13

Kart

Laster kart ...