Tovdal kyrkje

Tovdal kyrkje 2016.

Tovdal kyrkje ligg på Hillestad i Tovdal i Åmli kommune. Ho er ei langkyrkje i tre, bygd i 1820, med rundt 105 plassar. Kyrkja blei formelt innvigd først i 1827. Ho vart restaurert i 1932 og 1980.

Kyrkjestaden på Hillestad er gamal. Alterdisken har årstalet 1654. Eit stort døypefat av messing har årstalet 1674. På kyrkjeklokka står årstalet 1682. Desse sakene må ha vore i den første kyrkja på staden. Når den kyrkja var bygd veit ein ikkje sikkert.