Slengen

Fra Setesdalswiki
Share/Save/Bookmark
Hopp til: navigasjon, søk
Slengen.
Foto: Hans Olav Stegarud
Ferdig restaurert bygg.
Frå restaureringa i 2015.
Foto: Geir Daasvatn

Slengen er ein husmannsplass i Rygnestad og Flateland utvald kulturlandskap. Den er den einaste av fire slike plassar som framleis har hus. Dette var sterkt til nedfalls, men det blei vedteke å setje huset i stand att gjennom kurs der handverkarar fekk opplæring i gamle handverksteknikkar. Plassen fortel om husmannen sitt daglegliv og levekår betre enn ein skriftleg rapport kan gjere.

I bygdeboka for Valle er det opplyst at Slengen vart frådelt i 1906, men det er grunn til å tru at husmannsplassen har vore nytta frå lenge før det. Huset tyder på å vere bygd på 1800-talet. Frå 1935 har det ikkje budd folk i huset, som har stove, gang og kammers. Det er i ein etasje og har ein låg hems over stovedelen.

I området er det tre andre husmannsplassar som i dag bare er attgrodde tufter: Krone, Drenkadøl, og Bronen. Slengen vert teken vare på av Setesdalsmuseet og var månadens kulturminne for mai 2013 i Aust-Agder.

Det blei løyvt 600.000 kroner til kurset for å restaurere husmannsplassen. Finansieringa kom frå Kulturminnefondet, kulturminnevernseksjonen i Aust-Agder fylkeskommune, Rygnestad og Flateland utvald kulturlandskap og Valle kommune. Kurset med ni deltakarar starta i veke 14, 2014 og gjekk over 10 veker fordelt på halvtanna år. Leiar for prosjektet var Ane Uleberg.[1]

Referanser[rediger]

  1. Ole Birger Lien: Skal restaurere Slengen. Artikkel i Setesdølen nr. 26, 2014 side 3

Eksterne lenker[rediger]