Skorsplass

Skorsplass var ein husmannsplass under garden Skore på austsida av Åraksfjorden i Bygland. Husa låg om lag 70–80 m nedanfor Tveitan, ei slette nedst i den dyrka marka på Skore. Murane etter både stoge og uthus er framleis synlege.

Plassen blei rydda ut på 1700-talet, og var busett til 1880-åra. Den første husmannen kan ha vore Erik Taraldson Sordal (f. 1736, d. 1786). I nokre år frå 1862 til 1868 var Skorsplass formelt fråskilt hovudbruket, og sjølveigarbruk.