Salmeli
Foto: Geir Daasvatn
Salmeli er ein fråflytta gard langt nord i Fjotland i Kvinesdal kommune. Det var fire gardsbruk her. Den siste som budde i Salmeli døydde i 1996.
Historie
Salmeli krins høyrde til Tonstad kommune i Sirdal. Krinsen blei overført til Fjotland sokn frå nyttår 1903. Den vesle skulen blei lagt ned i 1929. Turiststasjonen som var på garden i mange år blei lagt ned i 1957. Det var 1,5 mil til næraste køyreveg. Men i samband med kraftutbygging kom det veg i området i 1965 og heilt fram til garden i 1972. I 1974 kom det elektrisk straum.
Kulturlandskap
Salmeli er registrert som verdifullt kulturlandskap og mottek offentleg stønad for å halde området i hevd.
Kjelder
- Torfinn Normann Hageland, Heieliv i Hekkfjeddet, utgjeve av Eiken Sogelag i samarbeid med Åseral Sogelag og Kvinesdal Historielag, ny revidert utgåve, 2020, side 15