Sølvgarden Hotell og Feriesenter

Fra Setesdalswiki
Share/Save/Bookmark
(Omdirigert fra Sølvgarden)
Hopp til: navigasjon, søk
Hovudinngang på Sølvgarden

Sølvgarden Hotell og Feriesenter er eit hotell med arkitektonisk særpreg på Rysstad i Valle. Bygginga tok til i 2006, og opningsfesten var i 2009. Hotellet er oppvarma ved at varmt vatn sirkulerer i golva, og vatnet vert varma opp av eige flisfyringsanlegg på hotellet. Restauranten kan tilby tradisjonelle norske rettar, som elgkarbonader, steikt aure eller rjomegraut og spekemat. I interiøret finn du att gjenstander frå sylvsmedkunsten i Setesdal. Eigaren, Trygve O. Rysstad er sølvsmed i tredje generasjon og driv verkstad i tilknytning til hotellet. Kona Inger K. Rysstad er dagleg leiar på hotellet. Kjøkkensjef var Kristine Bjørgum Forde, som i 2011 begynte i Bleieboden, og restaurantsjef er Andreas Forde. Det er (2019) ni årsverk i verksemda. I høgsesongen er det tale om 25-30 innleigde arbeidarar.

Kapasitet[rediger]

Hotell

23 rom og ei tårnsuite. Seks rom er familierom og har sovealkove for born og sittegruppe, romsleg bad, minibar og flatskjerm.

Motell

Motellavdelinga vart opna 17. juli 2003. Romma har plass for inntil 4 personar. Eigen uteplass til kvart rom. Flislagt dusj/WC med varmekablar i golvet. Fargefjernsyn med satelittkanalar, minibar.

Hytter
  • Tre hytter type A med dobbeltseng og stor stove og fullt utstyrt kjøkken.
  • Ei hytte type B med to soverom, eit med dobbeltseng og eit med fire køyesenger. Stor stove og fullt utstyrt kjøkken.
  • To hytter type C som type B, men to enkle senger i staden for køyesenger i det eine soveromet og med tre soveplassar i stova i tillegg.
  • Hytter type D med eit soverom med fire senger og ein sovealkove med to senger.
  • Åtte hytter i Rysstad hyttepark 800 meter sør for hotellet. To soverom, begge med smal dobbeltseng og overkøye.
Bil med campingvogn
  • Campingplass for bil med campingvogn. Sølvgarden Feriesenter er klassifisert av NHO Reiseliv (tidl. RBL) til 5 stjerner. Campingen har 50 oppstillingsplassar, som er delt inn i mindre parsellar. Oppstillingsplassar med sikt ut over elva. Tilkopling til 240 volt.
Bil med telt
  • Campingplass for bil med telt. Campingen har 50 oppstillingsplassar, som er delt inn i mindre parsellar. Oppstillingsplassar med sikt ut over elva. Tilkopling til 240 volt.
Bubil
  • Campingplass for Bubil. Campingen har 50 oppstillingsplassar, som er delt inn i mindre parsellar. Oppstillingsplassar med sikt ut over elva. Tilkopling til 240 volt.

Prisar[rediger]

Prisar hotellrom 2019
  • Enkeltrom kr 1240
  • Dobbeltrom kr 1450
  • Familierom frå 1730
  • Junior Suite kr 1730
Prisar hytter 2019
  • A: 1015 kroner. Plass til 3 personar. 1 soverom med dobbelseng. Stoge med soveplass. Kjøkken med kjøleskåp, komfyr og oppvaskmaskin.
  • B:
  • C: 1560 kroner. Plass til 6 personar. 2 soverom og stoge, 2 sengeplassar i stoga. Kjøkken med kjøleskåp, komfyr, oppvaskmaskin. Terrasse med utegrill.
  • D: 1350 kroner. Plass til 6 personar. 1 soverom med 4 sengeplassar og sovealkove i stoga. Kjøkken med kjøleskåp, komfyr med steikeovn.

Historie[rediger]

Hotellet var kalkulert til 14 millionar kroner. Men etter tre års byggetid skal kostnaden ha kome opp i ca 44 millionar. Etter ein lang økonomisk nedtur tok SR Bank i Rogaland over eigarskapen til hotellet i 2012. Den opphavelege eigaren av verksemda, Trygve Rysstad, heldt fram som drivar av hotellet. Det var heile tida Rysstad sitt mål å kjøpe hotellet tilbake. Hausten 2015 lukkast han i dette, og overtok eigarskapen igjen for 6,5 millionar kroner. Saman med tidlegare utbetalt pant kosta kjøpet han totalt 10 millionar kroner.

Sommaren 2014 var god for hotellet. Men sommaren 2015 slo alle rekordar, og i perioden juni - august var omsetninga i verksemda 7 millionar kroner.

Frå 13. desember 2015 til 15. februar 2016 fungerte hotellet også som akuttmottak med mellombels overnatting for asylsøkarar. Kapasiteten var 112 slike plassar.

Våren 2016 skjedde det ei større ombygging av hotellet. Det var ombygging av kjøkkenet, baren og restauranten, og kjellarbaren blei til ny øl- og vinkjellar. Ombygginga var kostnadsrekna til 4 millionar kroner.

I 2018 hadde hotellen ei omsetning på vel 13 millionar kroner.

Kjelder[rediger]

Eksterne lenker[rediger]