Korskyrkje
Hopp til navigering
Hopp til søk
Foto: Geir Daasvatn
Ei korskyrkje er eit kyrkjebygg som har eit korsplan. Planen kan vere utforma som eit latinsk kors med langt hovudskip og kortare korsarmar, eller som eit gresk kors med like store korsarmar. Korsarmane består av eit tverrskip eller transept som kryssar hovudskipet. Eit slikt plan kan symbolisere både Kristi kors og hovudgatene i Jerusalem, som danner eit kors. Plantypen finnast i store deler av verda. Men soknekyrkjer av stein med opphaveleg korsform har ein ikkje hatt i Noreg i mellomalderen, sjølv om fleire seinare har blitt bygd om.