Kampgruppe 3

Arne Laudal si byste ved Laudal kyrkje.

Foto: Geir Daasvatn

Kampgruppe 3 var ei av fem kampgrupper i den første organiseringa av Milorg, den militære motstandsorganisasjonen i Norge under andre verdskrigen. Området strakk seg frå Risør til Haugesund og nord gjennom Setesdal til grensa mot Telemark. Frå sommaren 1942 blei Milorg omorganisert. Namnet på Kampgruppe 3 blei endra til Distrikt 18, og Rogaland skilt ut som eige distrikt (Distrikt 19).

Major Arne Laudal var sjef i Kampgruppe 3. Han blei arrestert av tyskerane 7. desember 1942, og avretta ved skyting i Trandumskogen 9. mai 1944 saman med Knut O. Bø m. fl.

Kjelder

• Johan Christian Frøstrup, Vest-Agder under okkupasjonen. Glimt fra krigsårene 1940–1945, 2. utgåve, Friluftsforlaget, 2021, side 389