Joker Bygland

Fra Setesdalswiki
Share/Save/Bookmark
Hopp til: navigasjon, søk

Joker Bygland held til i Bygland sentrum mellom Sparebanken Sør Bygland, Bygland kommunehus og Bygland folkebibliotek. Ved sida av eit godt utval varer har forretninga Post i butikk.

Anne-Lise Limann har drive butikken sidan desember 1985 då han starta som Bygland Matsenter. Sidan var han knytt til Nærmat, men i 1997 vart han Joker-butikk. Med seg i drifta hadde Anne-Lise Limann åtte personar som dekka fem årsverk.

8. mai 2014 opna butikken etter ei ansiktsløftning der det var lagt nytt flisgolv, vegger og tak var nymalte, interiøret var omorganisert og ljossettinga var ny. Det same var fruktdisk, kjøle- og fryseanlegg. Byggmester Kjetil Vegusdal var hovudentreprenør for arbeidet, men Evje Elektroservice og røyrleggjar Øystein Lien hadde også gjort sitt. Etter ombygginga satsa Joker Bygland også på catering og levering av påsmurt mat til møte og andre arrangement.

Sommaren 2016 gjorde Anne-Lise Limann det kjent at ho ville selje butikken. Både ho og mannen var blitt pensjonistar, og håpa at lokale folk ville ta over butikken og drive han vidare. I november 2016 kjøpte Tor Ånon Kleivane og Lina Elise Eie Kleivane verksemda, med overtaking av drifta frå 1. januar 2017.

Kjelder[rediger]

Eksterne lenker[rediger]