Høgevollstemna
Høgevollstemna er eit stemne i hagen til heimen der Oddvar Høgevoll vaks opp på Longerak. Første stemnet var i år 2000. Kvart år deretter har Høgevollstemna blitt arrangert.
2017
Stemnet blei arrangert søndag 18. juni 2017. Mellom deltakarane var Flekkerøy Sangkamerater, Jarl Gabrielsen og regionsleiar i Region Sør i Misjonssambandet Eivind Jåtun.
2016
19. juni 2016 deltok desse i tillegg til Oddvar Høgevoll og familien hans:
- Jan Åge, Kåre og Gerd (sanggruppe frå Vennesla) pluss Raina Aamdal og Siri Marit Aasland.
- Musikarane var Rolf Jakobsen, piano/keyboard - Tor Arild Hopland, gitar - Kjell Kvinlaug, trekkspel - Øyvind Gyland, mandolin - og Jarle Fjellstad, bass
- Etter at stemna var slutt, skreiv Oddvar Høgevoll dette på Facebooksida si
Det ligg familien Oddvar Høgevoll verkeleg på hjarta i kveld, å takka alle som kom på Høgevoll-stemna i ettemiddag.!! Så synte veret seg fram på det aller beste. Under varm og brennande juni-sol var det rett og slett godt og triveleg å vera i tunet på Høgevoll i dag!
Gode songkrefter bidrog til å få bodskapen om Jesus Kristus ut til dei frammøtte. Det var Raina og Andreas Aamdal, Siri Marit Aasland, Jan Åge Tesdal, Kåre Sandaker, Gerd Løland. Tusen takk for fin song!
Også ei varm takk til Tor Arild Hopland, gitar - Øyvind Gyland, mandolin - Rolf Jakobsen, piano - Kjell Kvinlaug, trekkspel - Jarle Fjellstad, bass.
Takk for eit solid bidrag til å gjera denne sundagen til den fest-dagen det blei!
Det var om lag 80 deltakarar på stemna og det kom inn om lag 5500 kroner denne dagen.
Kjelder
- Informasjon på Oddvar Høgevolls facebookside 19. juni 2016
- Sigurd Haugsgjerd, Høgevollstemne sundag, artikkel i Setesdølen nr. 41, 2017, side 2