Gamaveka Xtreme

Gamaveka Xtreme er eit luftsportarrangement som vert halde på Tangen (Bygland) i juli kvart år. I 2018 var det tiande gongen. Etter ei veke med kurs og øving arrangerer ein NM i luftakrobatikk. Ein nyttar paraglidarar som blir trekte opp etter båt på Byglandsfjorden eller startar frå land. Dei som er sertifiserte for det, kan også nytte dropp frå helikopter. Gamaveka Xtreme samlar 100-200 utøvarar frå heile landet og også nokre frå andre land. Dei campar på Bygland under arrangementet. Initiativtakar er Amun Løvland. Arrangør er Bygland luftsportklubb, der han også er leiar.

Sjølv om det ikkje er risikofritt, skjer det sjeldan ulukker. Men tysdag 24. juli 2018 skjedde ei ulukke under øving på stupspiral. Utøvaren mista kontrollen, men kom frå ulukka med mindre skader.

Kjelder

• Ole Birger Lien: Paragliderulykke i Bygland. Artikkel i Setesdølen nr. 53, 2018 side 4
• Bygland luftsportklubb si heimeside