Brokke Alpinsenter
Brokke Alpinsenter blei etablert i 2004 i Kvislelii på nordsida av Rysstadåsen ved Suleskarvegen. Dagleg leiar (2023) er Svenn Magne Brokke. Brokke Alpinanlegg AS eig Brokke Alpinsenter.
Anlegget
Anlegget er ein del av reisemålet Brokke og det er ope frå november til april. Det har skiskule, ein treseters stolheis, eit T-kroktrekk, T-tallerkentrekk i terrengparken og eige barneband ved kafeen, samt 5 hovudnedfartar, jibbepark og terrengløyper og for langrenn 55 km løyper (5 km lysløype). I anlegget ligg også Brokke Alpinsenter kafé. I september 2022 opna ei ny to kilometer lang rulleskiløype og ein pumptrack (asfaltert sykkelløype).
Mellom brukarane er skikretsane i området, som held samlingar her.
Historie
Sjølve anlegget tilhøyrde lenge Brokke Skianlegg medan bedrifta var ansvarleg for utbyggjing og dagleg drift, under leiing av Jan Wojtaszek. Men hausten 2015 gjekk selskapet Brokke Skianlegg konkurs.
Bygginga tok til i september 2004, og etter fire månader var to løypetrasear og eit barneområde ferdig til å takast i bruk. Alpinsenteret er saman med Brokke Eigedom og private investorar ansvarleg for den finansielle delen av vidare utbygging av anlegget.
Kjelder
- Brønnøysundregisteret
- Olav Åsen Haugsgjerd, Ny rulleskiløype og sykkelbane, artikkel i Setesdølen nr. 73, 2022, side 8–9
- Richard Nodeland og Jacob J. Buchard (foto), Tarantino har inntatt Brokke, artikkel i Fædrelandsvennen sitt Påskemagasin 29. mars 2023, side 30–31