Birkelandsøygard
Foto: Geir Daasvatn
Birkelandsøygard er eit gamalt støylsområde som ligg ved enden av Slettheivegen på heia aust for Støylen i Dåsvannsdalen i Hornnes.
Garden Birkeland hadde tre støylar her: Lindalsøygard, Bakkeøygard og Smedbakkøygard. Støylsdrifta heldt på til om lag 1895. Etter det stod det slåttebuer her med overnatting til 1940-åra.
I dag (2026) står det ein nyare fritidsbustad på Lindalsøygard. Rundt denne støylen er det også gamle steingjerde. Elles er mange av spora etter støylane borte.
Kjelder
- Artiklane om dei tre støylane på Birkelandsøygard på Kulturminnesok.no