Arne Chr. Høgetveit
| Arne Chr. Høgetveit | ||
|---|---|---|
| Født: | 17. mai 1913 | |
| Død: | 16. juni 1992 (79 år) | |
Arne Christian Høgetveit (fødd 17. mai 1913, død 16. juni 1992) var ein misjonslege frå Høgetveit. Han gjekk på Vest-Agder ungdomsskole, tok examen artium og studerte medisin på Universitetet i Oslo med eksamen i 1946. Han tok kurs på University of London og var under 2. verdskrigen lege for norske sjøfolk i England. Etter krigen var han hospitant ved Menighetssøsterhjemmet før han i 1946 vart vigsla til misjonær på Fjellhaug og sendt til Kina. Der arbeidde han på sjukehuset i Laohokow og ved United Missions sitt sjukehus i Hankow.
I 1949 vart Kina stengt for misjon og Arne Christian Høgetveit var først i Hong Kong, men vart sidan plassert i Etiopia, der han hadde tenesta si på sjukehusa i Neghelli og Irgalem i til saman fire periodar frå 1949 til 1967. Etter tida som misjonær budde Arne Christian Høgetveit i Kristiansand.
Heder
- Kongens fortjenstmedalje i gull 1978
Familie
Olav Høgetveit og Jorann Høgetveit, fødd Aas var foreldrene til Arne Christian Høgetveit. Søskena Jørgen Høgetveit, Anna Høgetveit og Jørgen Høgetveit vart også misjonærar. I 1946 gifta han seg med Gunnlaug Høgetveit, fødd Aas.
Kjelder
- Misjonærer i Det norske lutherske kinamisjonsforbund 1891-1941, Det norske lutherske kinamisjonsforbunds forlag, 1941, s. 47. På Nasjonalbibliotekets bokhylle
- Norsk misjonsleksikon: F–M, Nomi, 1967, spalte 317. På Nasjonalbibliotekets bokhylle
- Menn og minne side 120
- Arbeiderbladet torsdag 25. mai 1978 side 27