AT Skog

AT Skog BA er eit regionalt andelslag stifta i 2006 for skogeigarar i Agder og Telemark med hovudkontor i Porsgrunn. Laget er distriktsorganisasjon for Norges Skogeierforbund. AT Skog hadde i 2012 om lag 7880 medlemmer organisert i 54 lokale skogeigarlag. Selskapet har overteke Eikås sagbruk i Eiken gjennom dotterselskapet Hasås og selskapet Framtre organiserer hogsten. I 2024 var samla driftsinntekter i konsernet totalt på over 2,5 milliardar kroner. Av fortenesta på 33,6 mill. gjekk det aller meste tilbake til skogeigarane.

Konsernsjef i AT Skog var i 2025 Anders R. Øynes og styreleiar var Bengt Drageset.

Kjelde

• Artikkel om AT Skog på Wikipedia
• Sigurd Haugsgjerd: Gode tømmerprisar auka hogsten for AT Skog. Artikkel i Setesdølen nr. 31, 2025 side 4