Åmund Nesland AS

Massetaket på Skarsmo.

Foto: Geir Daasvatn

Åmund Nesland AS er eit entreprenørfirma i Bykle. Firmaet tek på seg grunnarbeid til hytter og hus, opparbeiding av skogsbilvegar, bygging av vatn- og kloakkanlegg og andre oppdrag innan entreprenørverksemd. Verksemda omfattar også brøyteoppdrag for kommunen og i private hyttefelt med meir.

Verksemda var eigd og driven av Åmund Nesland i ei årrekke. Frå hausten 2017 har sonen Olav Nesland (f. 1981) teke over som dagleg leiar. Faren Åmund har framleis ei mindre stilling i selskapet. Hovudkvarteret er mellombels i eit massetak på Skarsmo, nord for Byklestøylane.

Kjelder

• Ole Birger Lien, I gang som entreprenør i Setesdal, artikkel i Setesdølen nr. 68, 2017, side 6
• Om Åmund Nesland AS på Proff.no

Eksterne lenker

• Heimesida til Amund Nesland AS