Salve T. Eieland
Salve Tellefson Eieland (fødd 18. april 1919, død 21. april 1945) frå Iveland var gardist, og døydde under kampar med tyskarane på Ringsaker under felttoget i april 1940. Han var fødd på garden Eieland. Foreldra var Tellef Salveson Eieland og Ingeborg Taraldsdotter Eieland (fødd Ljosland).
Vener i Iveland skytterlag og Iveland IL tok på seg å få heim Salve frå grava han hadde fått ved Ringsaker kyrkje. 24. juli 1940 kom kista til Eieland. Han vart gravlagt ved Iveland kyrkje 27. juli 1940.
Tidlegare lærar ved Eieland skule, Marie Belland, tok initiativ til å få reist ein minnestein på kyrkjebakken utanfor Iveland kyrkje. Minnesmerket blei avduka 21. september 1941. Rundt 500 menneske var samla ved kyrkja. Ordførar Einar Mjåland heldt minnetale. Kvar 17. mai blir det lagt ned ein krans ved minnesmerket over gardist Salve T. Eieland. Det vert halde ein liten tale, der unggutten frå Iveland blir minna fordi han gav livet sitt for fedrelandet i 1940.