Dalemannshus

Espeland i Hægeland var ein av gardane setesdølane overnatta på langs den gamle setesdalsvegen.

Dalemannshus kalla ein stader der setesdølane, åsdølane og andre overnatta langs vegen når dei var på bytur i eldre tider. Ei slik reise tok fleire dagar. I Hægeland og Øvrebø var det mange slike «overnattingsstader» langs vegen, men også i Hornnes og lenger oppover i dalen. Byklarloftet på Fennefoss i Hornnes er eit døme på ein slik stad. Espeland og Frivoll i Hægeland er andre døme.