Bykle Vindu

Bykle Vindu AS vart etablert i 1984. Frå 1997 er selskapet eigd av Bykle Industri AS. I 2012 fusjonerte Bykle Vindu med Grindland Trevarefabrikk i Finsland. Produksjonen vart då flytta til Bykle kyrkjebygd, medan salgskontoret ligg i Songdalen. Etter fusjonen har Bykle Vindu 30 tilsette, medrekna fem i administrasjonen. Svært mange av dei tilsette kjem frå andre land. Daniel Homme er dagleg leiar.

Selskapet har hatt stor suksess med Isokitt-vinduet, som dei utvikla sjølv og lanserte i 2008. Det står for 80 prosent av produksjonen og har gjeve fleire store kontraktar. Fusjonen gav ein sterk vekst i inntektene, frå 2011 til 2012 auka omsetninga frå 23,2 mill. til 44,1.

Kjelde

• Torbjørn Witzøe: Vindusvekst øverst i Setesdal. Artikkel i Fædrelandsvennen mandag 15. juli 2013 side 14.

Eksterne lenker

• Bykle Vidus hjemmeside