Ingebjørg K. Bø

Ingebjørg K. Bø (1906-1981) vart gift med Åsmund Olsson Bø i 1931. Dei budde på Nørdre Bø i Valle og fekk fem barn: Birgit Bø Uppstad, som vart buande i Valle, Olav Bø, som flytte til Notodden, Ketil Bø, som flytte til Trondheim, Gjermund Bø, som flytte til Kristiansand, og Sigrid Bø, som busette seg i Bø i Telemark.

Om Ingebjørg heiter det i Bygdebok for Valle, bind 3 side 177: «Ingebjørg fekk ved sida av anna arbeid og tid til ein god del husflidsarbeid; m. a. sauming av daleklede.»

Ingebjørg K. Bøs minnepremie er oppkalt etter henne. Den har blitt gjeven til beste utøvar uansett klasse på Setesdalskappleiken sidan 2004.