Frifot
Frifot er ei svensk folkemusikkgruppe som består av Ale Möller, Lena Willemark og Per Gudmundson. Gruppa, som vart starta i 1987, har gitt ut seks musikkalbum og fekk i 2003 den svenske grammisprisen for albumet Sluring. Sjølv om medlemmene har hatt eigne karrierer, har dei halde fast ved Frifot og turnert over heile Europa med gruppa, mellom anna hadde dei i 1993 eit stort prosjekt i Frankrike - Musique des vallées Scandinave - saman med Gunnar Stubseid og Kirsten Bråten Berg. Fredag 5. august 2011 spelte gruppa på Setesdalskappleiken 2011.