Jens M. Forgard

Jens M. Forgard (fødd 4. oktober 1919, død 9. februar 2010) budde i Åseral. Han var ugift og etterlet seg søstera Gunhild, samt ei rekke personar som han var onkel og grandonkel til. Gravferda var frå Åseral kyrkje tysdag 16. februar 2010 klokka 12, og etter gravferda var det minnesamvær på Lordens Kro.

Etter at han vart vaksen, var Jens M. Forgard i mange år ute av Åseral på anleggsarbeid både i Setesdal og i Bjelland. Sidan overtok han gardsbruket heime i Kyrkjebygda og dreiv med sauer. Han kom med i politikken for Senterpartiet, og ved valet i 1975 vart han vald til varaordførar. Ordførar Sigmund Jortveit døydde tidleg i valperioden, og då vart Jens M. Forgard ordførar. I hans ordførartid innførte Åseral kommune skatt på verk og bruk. Etter å ha vore ordførar, gjekk Jens M. Forgard heilt ut av politikken.

Kjelde

• Dødsannonse i Setesdølen nr. 16, 2010 side 2
• Sigurd Haugsgjerd: Jens M. Forgard er død. Minneord i Setesdølen nr. 16, 2010 side 16