Pernillefura
Foto: Reidar Tveito
Foto: Jon Løyland
Pernillefura er eit gamalt og stort furutre som veks på Tveitå (Bygland). Etter at Tveitå der nord vart fråflytta, vart beitemarka tilplanta med skog. I 2011 vart ein del av skogen rundt Pernillefura hogd, slik at ho nå vart synleg att.
Pernille Olavsdotter Tveitå, 1752-1828, kom heim frå støylen ein gong og kunne ikkje finna grautetvora. Så sprang ho hit til denne fura og tok toppen til ny tvore. (Ei tvore vart nytta til å røre rundt i grautgryta).
Og sidan Pernille hadde skore av toppen, så vaks det fram fleire nye toppar. Sidan har fura fått stå i fred og har vorte kjempestor.
Kjelde
- Tormod Tveitå, sjå artikkel: Tveitå (Bygland).