Tarald Bjørgulvson Langeid

Tarald Bjørgulvson Langeid var ordførar i Bygland i åra 1887–1889, og så varaordførar største delen av tida då Lars Knutson Liestøl var på Stortinget (1889–1902). Aasulv Lande sr. seier i Byglands soge at han var ein stillfarande, varsam og klok mann som tok arbeidet i kommunen med alvor og uthaldanhet.

I Tarald B. Langeid sin tid som ordførar vart fleire større ting handsama av kommunestyret. Mellom anna vert det vedteke at ein skulle få eit overslag over kva det ville kosta å leggje om vegen i Fånekleiva, ein hundeskatt på fem kroner året og ein søknad om å få postopneri på Ose vert send inn. Ein søknad frå representantar frå Austad sokn om å dele kommunen så at deira sokn skulle bli ein eigen kommune, vart ikkje tilrådd.