Lampedokk

Lampedokk var ein husmannsplass på begge sider av gardsvegen inn til Kåsi (gnr. 20 bnr. 2) i Åraksbø i Bygland. Plassen var i bruk frå først på 1890-talet til ca. 1949. Rydningsmannen var [Lavrans Pålson Vollen]] (f. 1856, d. 1940). Husa er borte, men murane er framleis godt synlege.

Kona til Lavrans heitte Birgit Olavsdotter Lien (f. 1869, d. 1937). Ho var frå Fyresdal. Ho var ei svært dyktig veverske. Det finst framleis fleire teppe i Åraksbø som ho har vove.

Kjelder

• Reidar Vollen, Bygland gard og ætt, bind IV, utgjeve av Bygland kommune, 2006, side 351–354
• Bjarne Nordgarden, Husmannsplassar i Åraksbø, stykke i Setesdal og setesdølar, 2020, side 48–55