Tollestøstemmen

Tollestøstemmen er eim 60–70 meter lang og opptil fire meter høg steindam i marka til Prestegarden, i Kåmmårdalen, i Evje. Han har stemt opp Bjørnefjellsbekken, som renn ut i evja som har gjeve namnet til garden Evje og seinare soknet, prestegjeldet og heradet. Det er ein opning i dammen der lendet er på det djupaste. Her må det ha vore ein nåledam.

Dammen har truleg vore ein kombinert hogstdam og flotingsdam. Når tømmeret i terrenget bak dammen var hogd, blei lendet set under vatn og tømmeret fløta frå stubben til velteplassen.

Den gamle Futevegen gjekk over bekken om lag på same stad som dammen står i dag.

Kjelder

• Lokalhistoriske perler. På tur med Oddmund Mogstad, utgjeve av Evje og Hornnes sogelag, 2018, side 66–67