Torgeir Moseid
Torgeir Moseid
| ||
|---|---|---|
| Født: | 5. april 1954 (72 år) | |
Torgeir Moseid (fødd 5. april 1954) er ein kokk og stuert som dreiv Breidablikk Kro på Byglandsfjord ein periode. Han kjøpte anlegget for ein million kroner og rusta det opp. Etter kvart kom både lokale folk og turistar innom.
I tillegg til å vere kokk, var han bussjåfør i Setesdal Bilruter og kaptein på Bjoren. Han har også vore med i Bygland kommunestyre og leiar av oppvekst- og kulturstyret ein periode. I mange år var han 50% ufør, men etter ein ryggoperasjon i 1997 fekk han helsa tilbake.
Torgeir Moseid er også aktiv i Setesdal sogelag, der han mellom anna har vore redaktør for fem utgåver av årsskriftet Setesdal og setesdølar frå 2019 til 2023. Fra 2021 er han leiar i Foreninga Bygdebok for Byglandsfjord.
Kjelder
- Har blitt ein samlingsplass for bygda. Artikkel i Setesdølen nr. 71, 2000, side 6
- Sigurd Haugsgjerd, Bygdesoge som truleg har kosta over 10 mill. utan å vere fullført, artikkel i Setesdølen nr. 27, 2021, side 3
- Redaktøren har ordet, stykke i Setesdal og setesdølar 2023, side 5