Høgeli
.jpg)
Foto: Geir Daasvatn
Høgeli er ein fråflytta gard 420 moh. nord i Skjeggedal i Åmli. Det er køyreveg (bomveg) fram til garden. Garden var tidlegare matrikulert med eige gardsnummer (gnr. 2). I dag høyrer bygningane og eit lite område rundt til bnr. 2 på Nedre Skjeggedal.
Historie
Garden er omtalt som «øydegard» på 1600-talet. Truleg er han rydda før Svartedauden. Så blei han liggande øyde etter det, og rydda oppatt seinare. Frå 1650 og heilt fram til 1994 var garden bebudd og i drift. Den siste som budde her var Kristi Høgeli, den siste attlevande av ein stor søskenflokk på sju.
Kjelder
- Torgils Hodne, Åmli ætt og heim I, Tovdal, utgjeve av Åmli kommune ved Åmli bygdeboknemnd, 1977, side 68 flg.
- Johan Christian Frøstrup, Vandringer i Setesdal Austhei, Friluftsforlaget, 2014, side 296-301