Hegland øvre (Bygland gnr. 4 bnr. 2)
Foto: Geir Daasvatn
Hegland øvre er eit gardsbruk (gnr. 4 bnr. 2) på Øvre Hegland i Bygland. Det er ikkje fast busetnad på bruket i dag. Heimelshavarar er Laila Gautestad (f. 1941) og Bernt Gautestad (f. 1945). Dei bur på Røyrtveit i Evje.
På eigedomen står eit våningshus frå 1912, og eit bur bygd rundt år 1650. Buret stod tidlegare på Nedre Hegland bnr. 1. Son til Laila og Bernt, Thor Ole Gautestad (f. 1969), leiger hus på Hegland men har planar om å sette våningshuset på bnr. 2 i stand og busette seg der med familien.
Laila og Bernt eig også gnr. 5 bnr. 1 på Nedre Hegland. Frå rundt 1882 har dei to bruka hatt same eigar, og blitt bruka i lag.
Kjelder
- Grunnboka på nettsida til Statens Kartverk
- Reidar Vollen, Bygland gard og ætt, bind I, utgjeve av Bygland kommune, 2002, side 309-317 og side 402
- Sondre Zachariassen og Kjetil Reite, Eit barn er født på Heggland, artikkel på FVN.no (betalingsmur) 23. desember 2015