Audnedal (dal)
Audnedal er eit lite dalføre, ca. 50 km langt, i Audnedal og Lindesnes kommunar i Vest-Agder. Gjennom dalen renn elva Audna. Audnedalen er den kortaste av dei seks nord-sørgående dalene i Vest-Agder, og når ikke inn til dei høgtliggande heiene i fylket. Dalbunnen er flat og dalsidene relativt bratte som elles i fylket. Lengst nord i Audnedalen ligg Byremo. Lenger sør ligg Konsmo, administrasjonssenteret i Audnedal kommune. Gjennom heile dalen går Fv-460.