Valborg Hauan
Valborg Marie Hauan (fødd 1942) var rektor på Evje barneskule til skulen slutta sommaren 2010. Då hadde ho arbeidd ved skulen i 46 år. Ho kom som nyutdanna lærar til Evje barneskule i 1964. I perioden har ho teke vidareutdanning i KRL-faget og i skuleleiing. Frå 1998 hadde ho leiaroppgåver ved skulen, anten som undervisningsinspektør eller som rektor.
I tillegg til å vere lærar har ho hatt eit stort engasjement innan kyrkje og kristenliv i kommunen og regionalt. Ho har mellom anna vore leiar for styret i Agder region av Det Norske Misjonsselskap. Ho har vore aktiv i etableringa av NMS Gjenbruk på Evje.