Vidar H. Homme
Vidar Hallvardson Homme (fødd 8. juni 1972) er banksjef i Valle Sparebank frå 1. februar 2007. Etter artium på Hornnes gymnas studerte han på NTH frå 1991 til 1996 og vart sivilingeniør i industriell økonomi. Deretter fekk han jobb i Kristiansand Elektrisitetsverk som marknadsanalytikar og porteføljeforvaltar innan krafthandel, ei stilling han hadde til 2000, då han vart rådmann i Valle kommune. Han var rådmann til 2006. I fem månader, frå september til januar, var han så tenesteleiar for veg, vatn og avlaup i Bykle kommune. Men ved starten av 2007 vart stillinga som banksjef i Valle Sparebank ledig, og dermed vart tida i Bykle kort.
Han er styremedlem i Terra Aktiv Eiendomsmegling. På det lokale plan er han frå 2012 leiar i Valle Sentrumsforening. Han er og sekretær i Valle Næringslag. Privat er han trenar for to fotballlag i Valle IL og ivrig supportar for Valle jenter 14 2012.